Exchange ActiveSync
Дали би сакале да ги имате е-поштата, контактите и календарот од работа при рака, без разлика
дали работите на компјутерот или сте надвор со телефонот? Можете да ги синхронизирате
важните содржини помеѓу телефонот и сервер Microsoft Exchange.
Exchange ActiveSync може да се постави само ако вашата компанија има сервер Microsoft
Exchange. Како дополнување, администраторот за ИТ на компанијата мора да го вклучил
Microsoft Exchange ActiveSync за вашата сметка.
Пред да започнете со поставувањето, осигурете се дека го имате следното:
• корпоративна адреса за е-пошта,
• името на серверот Exchange (обратете се на одделот за ИТ на компанијата),
• името на доменот на мрежата (обратете се на одделот за ИТ на компанијата),
• лозинката на канцелариската мрежа.
Во зависност од конфигурацијата на серверот Exchange, можеби ќе треба да впишете
дополнителни информации во текот на поставувањето. Ако ги немате правилните информации,
обратете се на одделот за ИТ на компанијата.
Во текот на поставувањето можете да поставите колку често телефонот да ги синхронизира
содржините со серверот. Се синхронизираат само содржините што се дефинирани во текот на
поставувањето. За да синхронизирате дополнителни содржини, променете ги параметрите на
сметката Exchange ActiveSync.
Со Exchange ActiveSync може да биде задолжително да го користите кодот за заклучување.